मसिना,२२ असार ।
घोराही उपमहानगरपालिका वार्ड नम्बर १८ मसिनामा रहेको जेष्ठ नागरिक भवन उदघाटन गरिएको छ । कालिका टोल बिकास संस्थाले निर्माण गरेको उक्त भवन को आज उदघाटन गरिएको हो । टोलका अध्यक्ष कृष्ण बहादुर कुवर गोपलको अध्यक्षता तथा वार्ड अध्यक्ष भरतमणि अर्यालको प्रमुख आतिथ्यता एबम टोलका समाजसेबि एबम वृद्ध ८१ बर्षका भुवनेश्वोर पौडेलको बिशिस्ट आतिथ्यता मा कार्यक्रम सम्पन्न भएको थियो । पिताम्बर शर्माको स्वागत मन्तव्य बाट सुरु भएको कार्यक्रममा पानस मा बत्ती बालेर उदघाटन गरिएको थियो ।
वार्ड नम्बर १८ कै पहिलो जेष्ठ नागरिक भबन मा दैनिक भेटघाट एबम बसिबियालो का साथै सहजता पुगोस भन्ने उदेश्यले निर्माण गरिएको निर्माण समितिका अध्यक्ष मान बहादुर थापाले जानकारी दिनु भयो । साथै जेष्ठ नागरिक भवनको साचो निर्माण समितीले जेष्ठ नागरिक दिवा सेवा केन्द्रको संचालक समितिलाई हस्तान्तरण गरेको थियो ।कार्यक्रमको सहजीकरण टोलका सचिब ठाकुर प्रसाद डागिले गर्नु भएको थियो ।
