लमही ,दाङ ।
संविधान दिवसको अवसर पारेर देउखुरी बैकर्स लमहीले आयोजना गरेको कर्पोरेट कप सुपर सिक्स क्रीकेट टुर्नामेन्टको आज समापन गरिएको छ । लमहीमा रहेको अन्तराष्ट्रिय क्रिकेट मैदानमा ३० गते र ३ गते भएको प्रतियोगिताको आज एक कार्यक्रमका बिच समापन गरिएको हो । दाङ जिल्लामा रहेका बिभिन्न बैंक तथा बित्तिय संस्था एबम कर्पोरेट हाउस बिच भएको प्रतीयोगितामा १३ टिमको सहभागिता रहेको थियो । समापन कार्यक्रम पुर्ब भएको प्रतियोगिताको फाईनल खेलमा ग्लोबल आईएम ई बैंक ले कर्णाली डेभलपमेन्ट बैंकलाई २ बिकेटले हराउँदै बिजयी बनेको छ । कर्णाली बैंकले ५ ओभरमा ५८ रन बनाएको थियो । ५९ रनको लक्ष्य भेटाउदै ग्लोबल बैंकले पहिलो कर्पोरेट कपको उपाधी आफ्नो पोल्टामा पारेको हो । प्रतियोगिताकै उत्कृष्ट ब्याटसम्यान ग्लोबल बैंकका दुर्गा ओलि , बेस्ट बलर ग्लोबलका हर्क अएर र उत्कृष्ट खेलाडी सौरभ खड्का रहनु भएको छ । प्रतियोगिताको समापनको देउखुरी बैकर्सका अध्यक्ष उत्सब श्रेष्ठको सभापतित्व एबम लमही नगरपालिका वडा न १ का अध्यक्ष दामोदर पौडेलको प्रमुख आथित्यतामा सम्पन्न भएको कार्यक्रमको सहजीकरण देउखुरी बैकर्सका सचिब सन्तोष कुवरले गर्नु भएको थियो ।
