कालिकोटमा बम बिस्फोट २ जनाको मृत्यु, ३ जना घाइते

कालीकोटको तिलागुफा नगरपालिका-१० भएको  बम विस्फोटमा २ बालिकाको मृत्यु भएको छ, ३ जना घाइते भएका छन् ।

कोदोबारीमा  भएको बम विस्फोटमा स्थानीय ४ वर्षकी बालिका झरना थापाको घटनास्थलमै र ४ वर्षकी सरस्वती रानाको उपचारका क्रममा सुर्खेतमा मृत्यु भएको जिल्ला प्रहरी कार्यालय कालीकोटका प्रमुख डीएसपी जयश्वर रिमालले जानकारी दिए ।

बिज्ञापन

बम नयाँ हो वा पुरानो भन्ने नखुलेको प्रहरीको भनाइ छ । गम्भीर घाइते हुनेहरुमा तिलागुफा नगरपालिका-१०  रानावाडका ७ वर्षका कमल थापा, वर्ष ५ का मुस्कान थापा, ३ वर्षकी दर्शना राना रहेका छन् । उनीहरुलाई उपचारका लागि  हेलिकप्टरबाट उद्धार गरी सुर्खेत पठाइएको छ ।

पाँच बालबालिका खेलिरहेको अवस्थामा एक्कासी बम विस्फोट भएको प्रहरीको भनाइ छ । खेल्न गएका बालबालिकाको साथमा हसिया रहेको खुलेको डीएसपी रिमालले जानकारी दिए । बम विस्फोट भएको जमिनमा प्वाल परेको छ र नजिकै दुई वटा बमका टुक्रा भेटिएको छ ।

प्रारम्भिक अनुसन्धानमा पुरानो बम खेलाउँदा विस्फोट भएको देखिनुका साथै घटनाको बारेमा यो भन्दा बढी केही जानकारी नआएको डीएसपी रिमाल ले बताए ।

बिज्ञापन
ताजा
महिला प्रहरी माथि घोराहीमा चल्यो गोली
कालिका टोलको सरसफाई कार्यक्रम
ग्लोबल बैंकलाई कर्पोरेट कप सुपर सिक्सको उपाधि

संबन्धित समाचार

महिला प्रहरी माथि घोराहीमा चल्यो गोली

कालिका टोलको सरसफाई कार्यक्रम

ग्लोबल बैंकलाई कर्पोरेट कप सुपर सिक्सको उपाधि

देउखुरी बैकर्सको आयोजनामा कर्पोरेट कप सुपर सिक्स क्रीकेट टुर्नामेन्ट शुरु