भैरहवामा ४० सिलिन्डर अक्सिजन एयरलिफ्ट

 नेपाली सेनाको हेलिकप्टरले भैरहवामा आवश्यक ४० अक्सिजन सिलिन्डर एयरलिफ्ट गएर पुर्‍याएको छ । कोभिड–१९ संकट व्यवस्थापन केन्द्र (सीसीएमसी) को अनुरोधमा बुधबार बेलुकी काठमाडौंबाट गएको सेनाको एमआई–१७ हेलिकप्टरले सिमरास्थित २८ बाहिनीमा रहेको सिलिन्डरहरुलाई एयरलिफ्ट गरेर भैरहवा पुर्‍याएको सेनाले जनाएको छ ।

सैनिक प्रवक्ता सन्तोषबल्लभ पौडेलका अनुसार ती अक्सिजनका सिलिन्डरहरु भीम अस्पताल र लुम्बिनी अस्पतालका लागि लगिएका हुन् । अक्सिजनको अभावमा बुधबारमात्रै भीम अस्पतालमा तीनजनाले र बुटवलस्थित कोरोना अस्थायी अस्पतालमा पाँचजनाले ज्यान गुमाएका छन् ।

बिज्ञापन

उनले अक्सिजन ढुवानी गर्ने र अन्य सामग्री ढुवानी गर्नको लागि सेनाको हेलिकप्टर र जहाज दुवै तयारी अवस्थामा रहेको पनि बताए । ‘हामीलाई सीसीएमसीबाट अनुरोध आउने बित्तिकै उपत्यकाभित्र सवारी साधन र बाहिर आवश्यकताअनुसार हवाई साधन नै प्रयोग गर्ने गरि तयारी अवस्थामा राखेका छौ,’उनले भने ।

केन्द्रिय कोभिड संकट व्यवस्थापन केन्द्र समक्ष जिल्ला सुरक्षा समिति रुपन्देहीले अक्सिजन उपलब्ध गराइदिन माग गरिएपछि सिमरा र भरतपुरबाट अक्सिजन झिकाइएको रुपन्देहीका प्रमुख जिल्ला अधिकारी अस्मान तामाङले बताए ।

ताजा

संबन्धित समाचार

pokhara

पोखरामा विमान दुर्घटना,आन्तरिक तर्फ इतिहासकै ठूलो क्षति

rekha-sharma-and-shankar-pokheral

नेकपा माओवादी केन्द्रकी रेखा शर्माले फराकिलो अग्रता

ghi

डिभाईन टेम्पल एकेडेमीमा मेगा बैंकको बित्तिय साक्षरता कार्यक्रम

sandeep

सन्दीप लामिछानेलाई पुर्पक्षका लागि थुनामा पठाउन अदालतको आदेश