Radio Namaste

pause
अडियो अन्तर्वार्ता अन्य खेलकुद चलचित्र जीवनशैली ब्लग भिडियो मनोरञ्जन राजनीति विजनेश समाचार साहित्य

अक्सिजन प्लान्टमा फिडर लाईन जडान,उत्पादन सुरु गर्ने तयारी

विवेक खड्का

banner

दाङमा अक्सिजन प्लान्ट पूर्ण रुपमा सञ्चालनमा आउने भएको छ । विद्युतको फिडर लाईन जडान भएसँगै दाङको घोराही उपमहानगरपालिका वडा नं. ३ झिङ्नीस्थित बन्द अवस्थाको अक्सिजन प्लान्टले फेरि तत्कालै उत्पादन सुरु गर्ने तयारी भइरहेको छ । बुधबारदेखि नै उद्योगमा फिडर लाईन जोड्ने काम सुरु भइसकेको बिहिबार बेलुकासम्म फिडरलाईन जोड्ने काम पूरा हुने सन्चालक भरत पौडेलले जानकारी दिए । फिडरलाईन जोड्न काम पूरा भएर बिहीबार रातिदेखि नै अक्सिजन उत्पादन सुरु हुने र दैनिक उद्योगबाट १ सय २० देखि १ सय ३० सिलिन्डर ग्यास उत्पादन गर्न सकिने पौडेलले बताए ।

banner

‘हामीले पहिले निजी खर्चमा १५० केभिएको ट्रान्सफर्मर जडान गरेर उत्पादन गर्दै आएका थियौं,’ पौडेलले भने ‘तर, यसपालि फिडरलाईनका लागि सरकारले नै आफै छुट्टै आफ्नै ट्रान्सफर्मर र अन्य उपकरण ल्याएर जोडिदिएको छ ।’

२०७३ सालमा स्थापना भएको दाङ अक्सिजन उद्योग प्रालिले दूई वर्ष उत्पादन गरे पनि विद्युत आपूर्तिमा भएको समस्याले विगत दूई तीन बर्ष यता उत्पादन बन्द गर्दै आएको थियो ।

करिब करिब चार करोडको लगानीमा स्थापना भएको उद्योग बन्द भएपछि अक्सिजनको लागि दाङ जिल्ला बाँके लगायतका जिल्लाहरुमा निर्भर हुनु परिरहेको थियो । तर, अहिलेको कोरोना भाइरस महामारीको समयमा बिरामी अस्पतालहरुमा अक्सिजन नपाएको खबरहरु सार्वजनिक भएपछि प्रमुख जिल्ला अधिकारी दीर्घनारायण पौडेलको सक्रियतामा पुनः बन्द उद्योग सञ्चालनमा आउन लागेको हो ।

पौडेलका अनुसार महामारीको प्रकोप सकिएपछि फेरि हाल जडान गरिएका सबै सामग्री निकालेर लैजाने सहमति भएको जानकारी दिए ।

दाङमै अक्सिजन उत्पादन हुन थालेपछि अब जिल्लाका अस्पतालहरुमा बिरामीलाई आपत बिपद जतिखेर पनि अक्सिजन सिलिण्डर ल्याउन सहज हुने अपेक्षा गरिएको छ ।

kanikakhabar.com

Related posts

डिभिलियर्स इपिएल खेल्न नेपाल आउने

radionamaste

गण्डकी र लुम्बिनी प्रदेश प्रमुखमा गुरुङ र शेरचन नियुक्त

radionamaste

हिन्दी चलचित्र रूहीका गल्तीहरु (भिडियो मा )

radionamaste

Leave a Comment